Ry’n ni mor falch bod ymarferion ar gyfer ein cynhyrchiad nesaf, Pijin / Pigeon, ar y cyd â Theatr Iolo, wedi dechrau wythnos ddiwethaf yng Nghaerfyrddin.
Fel pob cyfnod ymarfer, dechreuodd yr ymarferion gyda chyfarfod croeso oedd yn cynnwys holl gast, tîm creadigol a chriw y cynhyrchiad, yn ogystal â staff o’r ddau gwmni cynhyrchu. Yn wir, dyma’r tro cyntaf i unrhyw gyfarfod croeso fod mor llawn ers cyn y cyfnod clo!
Ar ôl i bawb gyflwyno eu hunain, cafwyd ddarlleniad arbennig o’r ddrama gan yr actorion: Owen Alun, Lisa Jen Brown, Nia Gandhi, Elin Gruffudd a Carwyn Jones. Ac yna, roedd cyfle i glywed y cyfarwyddwr, Lee Lyford, a chynllunydd set, Carl Davies, yn rhannu eu gweledigaeth ar gyfer y sioe. Mae’n iawn i ddweud nad yw’r ddau yma yn fyr o syniadau campus!
![Screen grab of a Welsh tweet that reads Totally floored by the actors' reading today on the first day of rehearsals of Pijin / Pigeon the play. Outstanding. Exceptional casting. Total gem of a script. And set design is so spot on. Pijin/Pigeon taking to the skies again. Good lad! Come to see him. Do come to see.](/media/zkzbc340/screenshot-2023-02-06-165523.jpg)
Bydd yr holl dîm yn parhau i ymarfer yng Nghaerfyrddin cyn symud ymlaen i Pontio Bangor ar gyfer ymarferion technegol ac i agor y sioe. Cymerwch bip i mewn i'r ystafell ymarfer trwy'r detholiad yma o luniau ymarferion – diolch i Betsan (Celf Calon) am daro heibio!
Ydych chi wedi bachu tocyn eto? Mae Pijin / Pigeon ar daith ledled Cymru o 27 Chwefror tan 25 Mawrth felly, yng ngeiriau Alys, “Dewch i’w weld o. Dewch i’w weld!”
Newyddion + blogiau diweddaraf
-
21/08/2024 NewyddionDal Gafael | Hold On: Perfformwyr ifanc disglair o bob cwr o Gymru
Ry'n ni'n falch o weithio mewn partneriaeth gyda Theatr Cenedlaethol Ieuenctid Cymru a Fio i gyflwyno'r cynhyrchiad arloesol hwn, fydd yn arddangos doniau eithriadol rhai o berfformwyr ifanc disgleiriaf Cymru.
-
17/07/2024 NewyddionDawns y Ceirw: Casi Wyn yn arwain gwledd o stori, dawns a cherddoriaeth
Mae Theatr Genedlaethol Cymru a Chwmni Dawns Cenedlaethol Cymru yn llawn cyffro i gydweithio y gaeaf hwn.