Mae Criw Creu yn dychwelyd eto yn 2023! Prosiect creadigol ar gyfer disgyblion ag anghenion dysgu ychwanegol yw Criw Creu sy’n cael ei arwain gan Theatr Genedlaethol Cymru gyda chefnogaeth gan Llenyddiaeth Cymru.
Eleni, ry’n ni’n falch iawn o weithio gyda grwpiau o ddwy ysgol yn Sir Gâr, sef Ysgol Bro Myrddin ac Ysgol Uwchradd Y Frenhines Elisabeth.
Bydd disgyblion o’r ddwy ysgol – o flwyddyn 7 i’r chweched dosbarth – yn ysgrifennu cerdd o dan arweiniad yr awdur Elinor Wyn Reynolds, cyn mwynhau sesiwn cyfansoddi gyda Dan Lawrence i greu'r gerddoriaeth. Yna bydd cyfle i‘r disgyblion baratoi’r gwaith i‘w arddangos ar ffurf fideo yn Eisteddfod yr Urdd Sir Gâr 2023.