Ers 2019 mae Ar y Dibyn, dan arweiniad Iola Ynyr wedi cynnig gweithdai creadigol ledled Cymru, wyneb yn wyneb ac ar-lein, i gefnogi rhai wedi’u heffeithio gan ddibyniaeth.
Bwriad y prosiect yw annog creadigrwydd i brosesu ein profiadau o’r byd trwy weithdai a gweithgareddau creadigol i brocio ein dychymyg a rhyddhau syniadau. Y gobaith yw datblygu gwaith o’r galon sy’n bwerus, dewr ac uchelgeisiol, o fewn gofod diogel lle gellir mynegi ein hunain yn rhydd, heb feirniadaeth.
Mae diogelu llesiant ac iechyd meddwl ein cyfranogwyr a’n hartistiaid yn allweddol oherwydd natur emosiynol y prosiect, ac mae arbenigwyr iechyd proffesiynol ar gael i gefnogi ym mhob sesiwn, i roi cyngor neu i sgwrsio pan fod angen.
Sesiynau Ar y Dibyn 2026:
Cyfres o bedwar gweithdy blasu ar-lein, pob un yn para awr a hanner, sy’n defnyddio ysgrifennu creadigol fel ffordd o fyfyrio ar hunan fynegiant.
Mae’r gweithdai’n agored i gyfranogwyr hen a newydd sydd wedi eu heffeithio gan ddibyniaeth o unrhyw fath, ac yn cynnig cyfle i gysylltu ag eraill mewn amgylchedd diogel a chynhwysol heb feirniadaeth.
Bydd pob sesiwn yn cael ei harwain gan awdur Cymraeg gwahanol, gan archwilio thema benodol a genre ysgrifennu unigryw, gyda Check-in a Check-out gyda aelod o'r tîm craidd o’r prosiect i greu cysondeb a chysylltiad diogel i’r cyfranogwyr.
Nid oes rhaid i neb rannu na chyfrannu os nad ydynt am wneud – mae croeso i bawb gymryd rhan cymaint neu cyn lleied ag sy’n gyfforddus iddyn nhw.
Mae hefyd yn bosib i ymuno â gweithdai wyneb yn wyneb os ydych yn byw mewn ardal lle mae grŵp eisioes yn bodoli, neu os oes digon o ddiddordeb mewn ardal penodol neu arlein i greu grŵp newydd.
Dyma themâu a chyfranwyr y pedwar sesiwn sydd i ddod, ond mae manylion pellach am y sesiynau/ yr arweinwyr isod.
Sesiwn 1: 27 IONAWR 2026. 12:30-14:00
Ysgrifennu ymlaciol
Dan arweiniad Bethan Marlow
Myfyrio ar newid, dechreuadau newydd - Ymarferion ysgafn ymlaciol.
Sesiwn 2: 25 CHWEFROR 2026. 12:30-14:00
Barddoniaeth a geiriau
Dan arweiniad - clare e. potter
Sesiwn 3: 24 MAWRTH 2026. 12:30-14:00
Dychmygu Deialog
Dan arweiniad Mared Llywelyn
Sesiwn 4: 21 EBRILL 2026. 12:30-14:00
Rhoi Llais i Hunaniaeth
Dan arweiniad Gareth Evans-Jones
Ysgrifennu sydd yn adlewyrchu ein profiadau personol, a’r pethau sy’n ein gwneud yn unigryw.
Cofrestrwch drwy ddolen Forms neu cysylltwch â Nia am fwy o wybodaeth: nia.skyrme@theatr.com
Manylion pellach: sesiynau 2026
Gallwch weld gwaith blaenorol prosiect Ar y Dibyn yma.
Diolch enfawr i cefnogaeth ein artistiaid, cwnselwyr a chyfieithwyr:
Alaw Griffiths, Ann Catrin Evans, Cai Tomos, Carwyn Jones, Iestyn Tyne, Katy Mai Mared Llywelyn, Mari Elen, Mirain Fflur, Lowri Gwyn - Lingo Cyf, Sioned Lewis a’r Cynhyrchwyr Nia Wyn Skyrme a Gwenan Pennant Jones.
Diolch i’n noddwyr blaenorol a chyfredol:
Llenyddiaeth Cymru Adra (Tai), Cyngor Celfyddydau Cymru, Y Lab (Prifysgol Caerdydd a Nesta), Meddwl.org, Grymuso Gwynedd drwy Fenter Môn, Bwrdd Cynllunio Camddefnyddio Sylweddau Ardal Gogledd Cymru.
A diolch i'n partneriaid cefnogol hefyd sef AM, Caniad, Canolfan Celfyddydau Aberystwyth, ICan/Gisda, Iechyd Cyhoeddus Betsi Cadwaladr, Galeri Caernarfon, Gorwel, Gwasanaeth Camddefnyddio Sylweddau (Isgraig, Llangefni a Bron Castell, Caernarfon), Gwasanaeth Prawf Gwynedd a Môn, Maes Ni, Kaleidoscope, Pontio Bangor, Shelter Cymru, Adferiad a WAHWN.
CYMORTH YCHWANEGOL
Cyffuriau neu Alcohol
DAN 24/7
Y cam cyntaf i gael yr help sydd ei angen arnoch yw sylweddoli bod gennych broblem gyda chyffuriau neu alcohol a siarad â rhywun amdano. Os ydych chi'n poeni am eich defnydd o gyffur neu alcohol neu ddefnydd ffrind neu rywun annwyl i chi, lle da i ddechrau yw cysylltu gyda DAN 24/7 sy'n Llinell Gymorth Cyffuriau ac Alcohol i Gymru.
Mae'n llinell gymorth ddi-dal, dwyieithog a chyfrinachol sy’n darparu amrywiaeth o wasanaethau.
Rhif ffôn: 0808 808 2234 (Ni fydd rhif ffôn DAN 24/7 yn ymddangos ar eich anfoneb eitemedig gartref)
Tecstiwch DAN ar 81066
Ewch i dan247.org.uk
Adferiad Recovery
01792 816600
Ebost: info@adferiad.org.uk
CAMFA
Yn cynnig sesiynau cwnsela os wedi dioddef o broblemau/ yn dioddef o broblemau yn ymwneud a chamddefnydd alcohol neu/a chyffuriau.
https://www.cais.co.uk/services/camfa/
Iechyd Meddwl
C.A.L.L Helpline (Llinell wrando a Chymorth Cymunedol)
Yn cynnig gefnogaeth emosiynol a gwybodaeth/llenyddiaeth ar iechyd meddwl a materion cysylltiedig i bobl Cymru.
Mae gan unrhyw un sy'n bryderus am iechyd meddwl ei hun neu iechyd meddwl perthynas neu ffrind, mynediad i'r gwasanaeth. C.A.L.L, yn cynnig gwasanaeth gwrando a chefnogaeth cyfrinachol.
Ffon di-dal 0800 132 737
Neu tecstiwch HELP i 81066
Cartrefi diogel yng Nghymru
Shelter Cymru
Yn bodoli i amddiffyn yr hawl i gartref diogel yng Nghymru.
08000 495 495
Cyngor ar drais/ cam-drin domestig a thrais rhywiol
Byw Heb Ofn
Yn cynnig cyngor a chymorth ar drais yn erbyn menywod, cam-drin domestig a thrais rhywiol.
0808 80 10 800
Ar gael 24 awr y dydd, 7 diwrnod yr wythnos.
Gwybodaeth am y llinell gymorth
Testun:07860077333
Cefnogaeth i deuluoedd
Prosiectau Eraill
-
Ar y Dibyn
Mae prosiect Ar y Dibyn yn rhoi cyfle i bobl sydd wedi cael eu heffeithio gan ddibyniaeth – boed hynny’n bobl sy’n byw gyda dibyniaeth neu sy’n cefnogi pobl eraill gyda’u dibyniaeth – i ddod at ei gilydd a rhannu’r straeon hynny mewn ffyrdd creadigol.
-
ASHTAR Theatre x Theatr Cymru
Fel rhan o brosiect rhwng ASHTAR Theatre a Theatr Cymru, mae pobl ifanc rhwng 16 a 25 o Balestina a Chymru yn cymryd rhan mewn prosiect newydd draws-ddiwylliannol.
-
Criw Creu '24
Daeth Criw Creu yn ôl eto yn 2024!