Ydych chi’n angerddol am ddarparu mynediad i bobl i weithgareddau celfyddydol? Oes profiad gennych o gydlynu prosiect gyda grŵp cymunedol? Efallai dyma’r cyfle i chi.
Ry’n ni’n chwilio am Gydlynydd Cyfranogi i ymuno â’r cwmni am gyfnod o flwyddyn o fis Medi 2025. Mae gwaith cyfranogi yn elfen hollbwysig o waith y cwmni ac ry’n ni’n falch iawn o’r ystod eang o gyfleoedd rydyn ni’n eu cynnig i bobl ymwneud â’r celfyddydau.
Fel Cydlynydd Cyfranogi, bydd cyfle i chi fod yn rhan o’r broses gynllunio ar gyfer rhaglen gyfranogi 2026 yn ogystal â chydlynu a chynnal y rhaglen o weithgareddau ar gyfer 2025. Mae cydweithio a chynnal cysylltiadau’n gwbl allweddol ac yn y rôl hon bydd cyfle i gydweithio gydag ystod eang o bartneriaid a chyfranogwyr, a chreu cysylltiadau newydd.
Cyflog: £32,887 y flwyddyn
Cyfnod: 12 mis o 1 Medi 2025
Oriau: Llawn Amser (37.5 awr yr wythnos)
Rydym hefyd yn hapus i ystyried ceisiadau i weithio'n rhan amser.
Mae rhagor o wybodaeth am y swydd a’r cwmni yn y pecyn recriwtio ar ein gwefan.
I wneud cais: Llenwch y ffurflen gais NEU cyflwynwch fideo byr ohonoch chi’ch hun, gan ateb y cwestiynau a nodir ar y ffurflen gais. Bydd angen anfon y ffurflen neu'r fideo at swyddi@theatr.com.
I gael sgwrs anffurfiol am y swydd – neu i drafod sut y gallwn ni eich cefnogi i ymgeisio am y swydd - cysylltwch ag Angharad Jones Leefe ar angharad.leefe@theatr.com neu 07903 842554.
Dyddiad cau: 2 Mehefin, 5pm
Cyfweliadau: 11 Mehefin 2025
Mae’r gallu i gyfathrebu’n effeithiol yn Gymraeg – ar lafar ac yn ysgrifenedig – yn hanfodol ar gyfer y swydd hon. Mae’r cwmni yn cynnig cyfleoedd i ymgeiswyr llwyddiannus i fynychu hyfforddiant gloywi iaith os ydynt am ddatblygu eu hyder yn eu sgiliau iaith Gymraeg.
Mae fersiwn Saesneg o’r pecyn recriwtio ar gael mewn fformat Microsoft Word er mwyn hwyluso’r defnydd o ddarllenydd sgrin. Gellir dod o hyd i hwn drwy ddilyn y ddolen isod:
Mae gofyn i ymgeiswyr gwblhau'r Ffurflen Monitro Cydraddoldeb isod wrth ymgeisio:
