Hoffi actio a chanu? Ry’ ni’n awyddus i gwrdd ag actorion sy’n canu er mwyn castio ar gyfer y cynhyrchiad dychymygus, chwareus ac hudolus.
Mae Theatr Cymru, Yr Egin ac Cwmni Theatr Arad Goch, gyda chefnogaeth gan Theatrau Sir Gâr, yn cyflwyno sioe gerdd newydd sbon gan Mererid Hopwood – sy'n seiliedig ar ei chyfres o lyfrau Dosbarth Miss Prydderch - Wedi’i gyfarwyddo gan Steffan Donnelly a Ffion Wyn Bowen a gyda cherddoriaeth gan Seiriol Davies. Bydd y cynhyrchiad yn teithio i theatrau ledled Cymru yn ystod tymor ysgol yr haf 2026, ar gyfer ysgolion cynradd a theuluoedd.
Pwy ni’n chwilio amdano?
Rydym yn chwilio am 7 actor sy’n ateb y gofynion castio fynegi diddordeb ac ry’ ni’n arbennig o awyddus i weld actorion sy'n byw o fewn 25 milltir i Gaerfyrddin.
- 2 x actor benywaidd / anneuaidd - 30au+
- 1 x actor gwrywaidd / anneuaidd - 30au+
- 2 x actor benywaidd / anneuaidd - 11-12 (Oed 18-30, yn ymddangos yn ifanc)
- 2 x actor gwrywaidd / anneuaidd - 11-12 (Oed 18-30, yn ymddangos yn ifanc)
Bydd angen paratoi 2 ddarn o sgript y byddwn yn rhannu ymlaen llaw, a pharatoi cân ry’ chi’n mwynhau ei chanu, sydd yn dweud stori ac sy’n dangos amrediad eich llais (bydd gofyn i chi canu a cappella neu dod a trac ar USB, ffeil mp3 gyda chi).
Dyddiadau Clyweliadau:
- Dydd Llun 17/11/25 Yr Egin, Caerfyrddin
- Dydd Mawrth 18/11/25 Yr Egin, Caerfyrddin
- Dydd Iau 20/11/25 Sherman, Caerdydd
- Dydd Gwener 21/11/25 Yr Egin, Caerfyrddin
- Dydd Llun 24/11/25 Galeri, Caernarfon
- Dydd Mercher 26/11/25 Sherman, Caerdydd (ail glyweliadau yn unig)
- Dydd Iau 27/11/25 Sherman, Caerdydd (ail glyweliadau yn unig)
Dyddiadau ymarferion a thaith:
Byddem yn cynnal yr ymarferion rhwng 11 Mai 2026 – 5 Mehefin 2026 yn Yr Egin a’r Wythnos Tech yn Lyric, Theatrau Sir Gâr.
Fe fydd y daith ledled Cymru ymlaen rhwng 6 Mehefin 2026 – 5 Gorffennaf 2026.
Mwy o wybodaeth/ ymgeisio:
Cynhyrchiad iaith Gymraeg yw hwn - felly bydd angen i bob actor medru'r iaith.
Os oes gennych chi unrhyw gwestiynau am y cynllun hwn neu’r broses ymgeisio, cysylltwch â Gavin Richards ar gavin.richards@theatr.com