Newid Diwylliant | Culture Change

Actor a Chyfarwyddwr a aned yng Nghymru yw Carli De'La Hughes. Magwyd Carli yn Abertawe a mynychodd addysg cyfrwng Cymraeg, cyn mynd ymlaen i hyfforddi yng Ngholeg Brenhinol Cerdd a Drama Cymru. Mae ei gwaith ar y sgrin yn cynnwys ITV Emmerdale, Sky One ‘Stella’, ‘Hinterland’ y BBC, a sebon S4C ‘Pobol y Cwm’. Cyfarwyddodd Carli Betty Campbell (cynhyrchiad Mewn Cymeriad, gyda chefnogaeth Theatr Genedlaethol Cymru), a bu’n Gyfarwyddwr Cyswllt ar The Merthyr Stigmatist (Theatr y Sherman).

Hoff ddyfyniad Carli:
"Nid wyf bellach yn derbyn y pethau na allaf eu newid. Rwy'n newid y pethau na allaf eu derbyn."

Mae Della yn arbenigo mewn rheoli prosiectau a datblygu busnes i wella cyfeiriad strategol a gweithredol amrywiaeth o sefydliadau ledled y DU. Ar hyn o bryd hi yw Pennaeth Gweithrediadau LTSB, elusen symudedd cymdeithasol sy'n paratoi ac yn cefnogi pobl ifanc ddisglair o gefndiroedd difreintiedig. Mae Della wedi gweithio yn y gorffennol i Lenyddiaeth Cymru, Chwarae Teg, a National Theatre Wales.

Mae ei rolau llawrydd a gwirfoddol presennol yn cynnwys Ymgynghorydd a Siaradwr gyda People Make it Work, Ymddiriedolwr Spread the Word a Chydymaith Pecyn Cymorth WJCB. Drwy gydol ei gyrfa, mae hi wedi goruchwylio a gweithredu mentrau ar raddfa fawr sy’n cyd-fynd â’i hangerdd dros fynd i’r afael ag anghydraddoldebau strwythurol a’u datgymalu. Mae hi'n ymroddedig i eiriol dros newid cymdeithasol lefel uchel o fewn y Sector Creadigol, y Celfyddydau a Diwylliant, Addysg a'r Trydydd Sector.

Mae Emily'n un o'r Cydlynwyr Creadigol yn Llenyddiaeth Cymru. Y tîm creadigol sydd yn gyfrifol am gyflawni y tri blaenoriaeth: Cynrychiolaeth a Chydraddoldeb, Iechyd a Llesiant, a'r Argyfwng Hinsawdd, yn ogystal â phrosiectau arloesol trwy'r tair fframwaith: Datblygu Awduron, Cyfranogi, a Diwylliant Llenyddol Cymru.

Mae Jeferson Lobo, sy’n enedigol o Frasil, yn gerddor, yn gyfansoddwr ac yn gynhyrchydd sy’n byw yng Nghaerdydd.

Mae cyfansoddiadau Jefferson yn wahoddiad i fyd o bosibiliadau sonig anrhagweladwy. Mae harmonïau swynol o felys wedi’u cyfuno ag alawon lleddfol, ac (ar adegau) ffraeth, yn sail i’w grochan cerddorol, sy’n cynnwys arddulliau megis jazz, cerddorfaol, Lladin, reggae, dyfodolaidd, a cherddoriaeth y byd.

Mae Mason yn hanu o Gaerdydd, gyda'i wreiddiau yng nghymunedau lleol Butetown a Grangetown. Ar ôl astudio drama a chelfyddydau perfformio yn yr ysgol, aeth ymlaen i gwblhau BA mewn Drama a Pherfformio ym Mhrifysgol Southbank Llundain. Ar hyn o bryd mae’n Gynhyrchydd Cynorthwyol gyda Chelfyddydau Cenedlaethol Ieuenctid Cymru ac yn frwd dros hwyluso twf artistiaid ifanc ar lefel leol a chenedlaethol.

Mae Onismo Muhlanga, artist aml-dalentog a aned yn Zimbabwe ac sydd wedi’i leoli yng Nghasnewydd, Cymru, yn crefftio’n gywrain naratifau gweledol barddonol wedi’u hysbrydoli gan fywyd, defodau ac atgofion. Trwy gyfuniad deinamig o gyfryngau, mae hwn yn archwilio themâu llinach, diwylliant brodorol, a thrawsnewid personol. Mae'r cyfryngau artistig yn cydblethu mynegiant creadigol ag undod, lles ac egwyddorion iechyd cyfannol. Gan gydweithio â chymunedau ac artistiaid, mae'n archwilio ffyrdd o ddiogelu, cadw, rhannu ac ehangu doethineb ar y cyd trwy gyd-guradu gyda henuriaeth a chenedlaethau’r dyfodol wrth wraidd archwilio.

Mae Rahim El Habachi yn artist aml-ddisgyblaeth, actor, ysgrifennwr ac yn gyfarwyddwr. O 2022 i 2024, gweithiodd fel Cydymaith Creadigol gyda National Theatre Wales. Mae Rahim wedi ysgrifennu a pherfformimo yn sawl cynhyrchiad nodedig, gan gynnwys Beyond the Rainbow gydag Opera Cenedlaethol Cymru, The Love Thief gyda Theatr Sherman, a Touch fel rhan o’r OUT-Rage-US. Fel actor, mae wedi ymddangos yn Cost of Living gyda National Theatre Wales. Yn ychwanegol i'w waith theatr, mae Rahim yn fol-ddawnsiwr ac yn gyflwynwr cabaret, yn perfformio yn nigwyddiadau mawr ar draws y wlad. Ei ymddangosiad mwyaf diweddar oedd yng Ngŵyl Green Man.

Mae Rha Arayal yn awdur Prydeinig Nepali ac yn fyfyriwr Llenyddiaeth Saesneg ac Ysgrifennu Creadigol ym Mhrifysgol Abertawe. Mae hi wedi cyhoeddi dau gasgliad barddoniaeth, Encapsulated Emotions a The Wishing Well, ac yn ysgrifennu am ei phrofiadau fel mewnfudwr ail genhedlaeth, iaith a hunaniaeth a’i thref enedigol, Abertawe.

Daw Savanna o Gaerdydd ac mae’n fam i ddau o blant. Mae hi’n gweithio yn y maes addysg uwch ac addysg drydyddol gan ganolbwyntio ar ehangu mynediad a chynhwysiant, wedi iddi gwblhau gradd meistr ym mholisi cyhoeddus. Mae’n gwirfoddoli ar fwrdd Mudiad Meithrin ac yn cydweithio gyda mudiadau Cymraeg i hyrwyddo ymarferion gwrth hiliol a hybu arferion sy’n hygyrch i bobl o gefndiroedd ethnig lleiafrifol. Mae Savanna yn aelod o Gyngor Partneriaeth y Gymraeg. 

Mae Yasmin Begum yn awdur, ymgyrchydd ac ymchwilydd Cymreig-Pacistanaidd sy'n byw yng Nghaerdydd. Mae hi wedi’i chyhoeddi yn Gal-Dem, Nation.Cymru, Planet, Wales Arts Review, the Welsh Agenda, BBC Cymru Fyw, a Media Diversified. Yn fwyaf diweddar, mae Yasmin wedi gweithio fel ymchwilydd ar Archif Carnifal Butetown gyda Chymdeithas Celfyddydau a Diwylliant Butetown. Mae hi'n rhedeg cylchlythyr o'r enw Dadgoloneiddio Cymru ar Substack.

Mae Yusef yn Gynhyrchydd Digidol i Gerddorfa Genedlaethol Gymreig y BBC (BBC NOW), sydd wedi’i lleoli yng Nghaerdydd. Mae e'n gyfrifol am greu cynnwys digidol, yn aml ar ffurf Cyngherddau Digidol sy'n cael eu ffilmio gan ddefnyddio systemau aml-gamera; cynnwys fideo ffurf fer fel cyfweliadau a rhaghysbysebion ar gyfer cyfryngau cymdeithasol; a ffotograffiaeth ar gyfer llyfrynnau tymor a thudalennau gwe.
Mae wedi rheoli prosiectau ar raddfa fawr yn ffrydio cyngherddau digidol yn fyw i ysgolion ledled Cymru, yn ogystal â chreu cynnwys ar gyfer Proms y BBC.