Parti Priodas: Taith Ryngwladol

Enillydd Gwobr UK Theatre am Ragoriaeth Mewn Teithio 2024

“Dyma gomedi a oedd yn ddoniol, yn ddeifiol, yn gyfoes, yn boenus o berthnasol o ran ei themâu, yn diddanu ac yn procio'r un pryd.” Barn

★★★★★ "An incredibly fun night out... I can't recommend it enough!" Buzz Magazine

Emynau, tensiynau, a dawnsio ar ben byrddau! Dyma’ch gwahoddiad i barti priodas Dafydd a Samantha…

Mae Lowri yn benderfynol o oroesi diwrnod priodas ei brawd. Ond gyda hwnnw ar drothwy pennod newydd cyffrous yn ei fywyd, ydi dyfodol Lowri a’r fferm deuluol ar fin cael ei chwalu’n rhacs? Mae Idris yn hiraethu am ei hen ffrind gorau ac yn dychwelyd i Lŷn ar gyfer y diwrnod mawr. Ond a fydd cyfrinachau’r gorffennol yn difetha diwrnod pawb?

Yn dilyn ymateb gwefreiddiol ledled Cymru, mae Parti Priodas gan Gruffudd Owen yn mynd ar daith ryngwladol fer. Wedi'i gyfarwyddo gan Steffan Donnelly a chyda pherfformiadau bythgofiadwy gan Mared Llywelyn a Mark Henry Davies, bydd hwn yn barti i'w gofio!