Addysg
Rhoi theatr Cymraeg wrth galon Cymru yw gweledigaeth Theatr Genedlaethol Cymru ac felly mae gweithio gydag ysgolion a phobl ifanc yn hollbwysig i ni fel cwmni. Rydym yn cyflwyno amrywiaeth o brofiadau artistig ac addysgiadol i blant a phobl ifanc ledled Cymru, gan gynnwys pecynnau addysg, gweithdai creadigol a chyfleoedd profiad gwaith.
Os oes unrhyw gwestiynau gennych chi am ein gweithgareddau addysg, ac am gyfleoedd i gydweithio gyda ni, mae croeso cynnes i chi gysylltu â ni ar thgc@theatr.com
Casgliad Dysgu
Rydyn ni’n awyddus i sicrhau bod theatr iaith Gymraeg ar gael i ysgolion, sefydliadau addysg uwch, addysg bellach a’r sector addysg ehangach.
Bwriad ein Casgliad Dysgu yw rhoi cyfle i ddarlithwyr, athrawon, myfyrwyr, disgyblion addysgwyr a dysgwyr i wylio, astudio a mwynhau theatr Gymraeg.
Gweithdai
Gweithdy Haf Y Cylch Sialc
Roedd Gweithdy Haf Y Cylch Sialc yn rhan o brosiect peilot i ehangu’r ddarpariaeth o hyfforddiant ym meysydd technegol y theatr i ddisgyblion ysgol uwchradd. Daeth 70 o ddisgyblion draw atom ni yn Y Llwyfan o 4 ysgol leol. Cafwyd sesiynau hyfforddiant gan y tîm creadigol sydd tu ôl i Y Cylch Sialc: Sarah Bickerton, Dyfan Jones a Ceri James.