Theatr Gen Eto
Gyda bod ein theatrau ar hyn o bryd wedi gorfod cau eu drysau, mae Theatr Genedlaethol Cymru wedi lansio Theatr Gen Eto i roi cyfle i gynulleidfaoedd fwynhau cynyrchiadau’r cwmni ar sgrin. Gan ryddhau cynnwys o’i archif helaeth, bydd y cwmni’n rhannu nifer o’i gynyrchiadau o’r gorffennol ar ei sianel YouTube a hefyd ar blatfform digidol newydd AM (ar-lein ar amam.cymru neu drwy lawrlwytho’r ap ar amam.cymru/ambobdim) er mwyn cyrraedd cynulleidfa eang ac amrywiol, gan sicrhau fod arlwy Gymraeg ei hiaith ar gael ar-lein, ochr yn ochr ac arlwy iaith Saesneg sy’n prysur dyfu.
CC Bydd Capsiynau Caeedig yn y Gymraeg a’r Saesneg ar gael yn achos rhai o’r dangosiadau hyn, ac mae modd dilyn cyfarwyddiadau i osod y Capsiynau Caeedig ar gael yma.
Bachu
gan Melangell Dolma
Ar gael o 1 Gorffennaf 2020
Mae Manon yn blydi lyfio Steddfod. Wastad wedi. Ond gyda’i mam, Gwen, yn ffonio pob eiliad, a’i chyn gariad, Llŷr, o gwmpas y Maes, sut ar y ddaear mae hon yn mynd i fod y Steddfod orau ‘rioed?
Dyma ddrama newydd am gariad, cyfeillgarwch a chalonnau dryslyd; rom-com yng nghanol y pebyll, y peintiau a’r pennau mawr.
Wedi’i datblygu’n wreiddiol fel rhan o gynllun awduron preswyl Theatr Clwyd, dyma ddrama i godi’r galon gan Melangell Dolma, aelod o Grŵp Dramodwyr Newydd Theatr Genedlaethol Cymru, dan gyfarwyddyd Sarah Bickerton.
Cynhyrchiad Melangell Dolma, Theatr Genedlaethol Cymru a Theatr Clwyd, gyda chefnogaeth gan Eisteddfod Genedlaethol Cymru drwy Gronfa Gari, a Chanolfan Mileniwm Cymru
Cyfarwyddwr: Sarah Bickerton
Cast: Mared Jarman, Judith Humphreys, Cellan Wyn
Yn cynnwys iaith gref.
CC Capsiynau Caeedig ar gael yn y Gymraeg a’r Saesneg. Ceir cyfarwyddiadau gosod Capsiynau Caeedig ar YouTube yma.
Bydd Bachu ar gael i’w wylio ar ein sianel YouTube ac ar wefan ac ap AM (/-\/\/\ – amam.cymru) o 1 Gorffennaf 2020.
Mrs Reynolds a’r Cena Bach
gan Gary Owen
Trosiad gan Meic Povey
Ar gael o 27 Mai 2020
Pan mae gardd hyfryd Mrs Reynolds yn cael ei difrodi, caiff y fandal ifanc, Jay, ei yrru’n ôl yno gan yr awdurdodau i helpu’r hen wraig i’w thrwsio.
O ganlyniad, daw dau fyd benben â’i gilydd. Wrth iddyn nhw ddod i ddeall ei gilydd, datgelir rhywbeth sy’n dipyn o fraw i’r ddau.
Cyfarwyddwr: Ffion Haf
Cast: Siw Hughes, Siôn Emyr, Leah Gaffey, Rhian Green, Iwan Fôn
Canllaw oed: 12+
Yn cynnwys iaith gref.
CC Capsiynau Caeedig ar gael yn y Gymraeg a’r Saesneg. Ceir cyfarwyddiadau gosod Capsiynau Caeedig ar YouTube yma.
Bydd Mrs Reynolds a’r Cena Bach ar gael i’w wylio ar ein sianel YouTube ac ar wefan ac ap AM (/-\/\/\ – amam.cymru) o 27 Mai 2020.
Nos Sadwrn o Hyd
gan Roger Williams
Ar gael o 6 Mai 2020 – 30 Mehefin 2020
Wedi i Take That chwalu perthynas Lee a Matthew mewn clwb nos yn y brifddinas, mae Lee yn cymryd camau cynnar, melys ar lwybr carwriaeth newydd. Am gyfnod byr mae bywyd yn fêl, ond ar ôl bob nos Sadwrn daw realiti oer bore Sul. Ac fel mae Lee’n darganfod, does dim byd yn para am byth.
Cyfarwyddwr: Aled Pedrick
Cast: Sion Ifan
Canllaw oed: 14+
Yn cynnwys iaith gref a themâu aeddfed, yn ogystal â defnydd o oleuadau strôb.
CC Capsiynau Caeedig ar gael yn y Gymraeg a’r Saesneg. Ceir cyfarwyddiadau gosod Capsiynau Caeedig ar YouTube yma.
Bydd Nos Sadwrn o Hyd ar gael i’w wylio ar ein sianel YouTube ac ar wefan ac ap AM (/-\/\/\ – amam.cymru) o 6 Mai 2020.
Llygoden yr Eira
Ar gael o 16 Ebrill – 13 Mai 2020
Llygoden yr Eira yw’r cynhyrchiad cyntaf i’w ryddhau o’r archif, a hynny ar 15 Ebrill 2020. Dyma sioe swynol i blant bach sy’n gyd-gynhyrchiad rhwng Theatr Genedlaethol Cymru a Theatr Iolo ac yn seiliedig ar y cynhyrchiad gwreiddiol, Snow Mouse gan the egg a Travelling Light. Roedd y cynhyrchiad hwn yn hynod boblogaidd gyda chynulleidfaoedd ledled Cymru ym mis Rhagfyr y llynedd, a nawr, bydd ar gael i’w wylio ar blatfform AM ac ar dudalennau YouTube Theatr Genedlaethol Cymru a Theatr Iolo am bythefnos gyfan o 11yb ar 15 Ebrill 2020.
Bydd Llygoden yr Eira ar gael i’w wylio ar ein sianel YouTube ac ar wefan ac ap AM (/-\/\/\ – amam.cymru) tan 13 Mai 2020.
Cadwch lygad ar y dudalen hon am wybodaeth ynghylch y cynyrchiadau eraill y byddwn ni’n eu rhyddhau ar-lein yn y dyfodol agos!