Mae sibrydion yn bethau cyffredin iawn mewn pentrefi cefn gwlad.  Ond sibrydion go wahanol sy’n poeni un gymuned fechan.  Weithiau’n gwmni diddan, dro arall yn datgelu cyfrinachau, mae sgyrsiau Elsi gyda’r meirwon yn anesmwytho’r gymuned. Ai rhodd neu groes i Elsi yw ei dawn anghyffredin?

Mewn drama newydd wedi’i gosod yng Ngheredigion y 1950au, o waith un o hoff awduron Cymru, cawn stori iasol y negesydd wrth iddi ail-fyw nid yn unig ei gorffennol dirdynnol ei hun, ond hefyd boen a thrallod y gymdogaeth i gyd.