O Ben'groes at Droed Amser

O Ben’groes at Droed Amser

gan Karen Owen

gyda Maggie Ogunbanwo

Cyfarwyddwr: Beca Brown

Cynhyrchiad Theatr Genedlaethol Cymru a National Theatre Wales, mewn partneriaeth gyda BBC Cymru Wales a BBC Arts

Dau ffrind, hanner awr o daith, llu o atgofion – a’r cyfan y tu ôl i fasgiau mewn cyfnod o bandemig byd-eang.

Ymunwch â’r awdur a’r bardd Karen Owen wrth iddi gamu ar fws a chychwyn ar daith o’i chartref, a’r stryd lle y’i magwyd, at y cloc yn sgwâr Bangor. Yn cadw cwmni i Karen ar ei phererindod bersonol, mae Maggie Ogunbanwo; yn wreiddiol o Lagos, Nigeria, mae Maggie yn rhedeg ei busnes bwyd llwyddiannus o dafarn Y Red Lion ym Mhenygroes.

Dim ond ryw hanner awr yw’r daith fws ei hun, ond mae’n cwmpasu oes gyfan i Karen – o’i phlentyndod i goleg, heibio’r ysbyty a thafarndai – ac mae’r cyfan yn gwibio heibio wrth i Karen a Maggie drafod eu gwreiddiau a phrofiadau bywyd amrywiol… am gariad, am berthyn, am hiliaeth ac am faddau.

Cyfarwyddwr Beca Brown

Amser rhedeg: Tua 1 awr

Perfformiad trwy gyfrwng y Gymraeg yw O Ben’groes at Droed Amser

Mae O Ben’groes at Droed Amser yn un o Gomisiynau Digidol Newydd Theatr Genedlaethol Cymru a National Theatre Wales mewn partnertiaeth â BBC Cymru Wales a BBC Arts. Ceir rhagor o wybodaeth am y cynllun yma.

Mae’r prosiect hwn yn rhan o Creu Ar-lein, sef cynllun newydd gan Theatr Genedlaethol Cymru i ymateb i argyfwng y coronafeirws a’r her o greu gwaith dramatig gwreiddiol mewn cyfnod o ymbellhau cymdeithasol.