Mrs Reynolds a’r Cena Bach

Theatr Genedlaethol Cymru mewn partneriaeth â Chwmni’r Frân Wen a Galeri Caernarfon

Pan mae gardd hyfryd Mrs Reynolds yn cael ei difrodi, caiff y fandal ifanc, Jay, ei yrru nôl yno gan yr awdurdodau i helpu’r hen wraig i’w thrwsio. O ganlyniad, daw dau fyd benben a’i gilydd; byd parchus, twt yr hen wraig, a byd heriol, anghynnes y llanc ifanc. Wrth iddyn nhw ddod i ddeall ei gilydd, datgelir rhywbeth sy’n dipyn o fraw i’r ddau.

Mae’r ddrama gyfoes hon gan yr awdur gwobrwyol Gary Owen – ac un o’n awduron Cymreig mwyaf beiddgar – yn cynnig golwg newydd, ffraeth a chadarnhaol ar y natur ddynol ac ar berthynas dwy genhedlaeth a dau ddosbarth cymdeithasol yng Nghymru heddiw.

Canllaw Oedran: 12+ (Cynnwys iaith gref)

Manteisiwch ar Sibrwd — app ar gyfer ffonau clyfar, sy’n arwain y di-gymraeg a dysgwyr drwy’r perfformiad. Lawrlwythwch o App Store a Google Play.

Ceir pecyn y dysgwyr yma i gyd-fynd gyda’r cynhyrchiad – Pecyn y Dysgwyr
Bydd sgwrs cyn sioe i ddysgwyr ar y 10fed o Fai am 6.30yh yn Theatr Clwyd gyda Pegi Talfryn.