Cynyrchiadau Eraill
Fel cwmni cenedlaethol, rydyn ni’n falch iawn o weithio gyda phartneriaid creadigol ledled Cymru a thu hwnt i lwyfannu cynyrchiadau. Mae’r uchafbwyntiau diweddar yn cynnwys y cynyrchiadau canlynol:
Drudwen
Cynhyrchiad Cimera mewn partneriaeth â Pontio, gyda chefnogaeth Theatr Genedlaethol Cymru
Rydyn ni’n falch o gefnogi Cimera mewn partneriaeth â Pontio ar eu cynhyrchiad, Drudwen.
Mae’r cynhyrchiad yn adrodd stori dylwyth teg gyfoes a hudolus am drawsnewid, dewisiadau a chanlyniad.
Manylion pellach y cynhyrchiad ar gael yma.
Tic Toc
Cefnogir Parama 2 gan Gyngor Celfyddydau Cymru, Cronfa Dreftadaeth y Loteri, Tŷ Cerdd ac mae mewn partneriaeth â Chapter a mewn cydweithrediad â Theatr Genedlaethol Cymru. Cefnogir y cynhyrchiad hwn gan Awenau, sef cynllun datblygu cyfarwyddwyr newydd Theatr Genedlaethol Cymru, wedi’i noddi gan gronfeydd coffa Elinor Wyn Roberts a Graham Laker.
Mae Tic Toc yn stori gerddorol am grŵp o ffrindiau agos oedd yn gweithio gyda’i gilydd mewn ffatri, ac yn talu teyrnged i fenywod y ffatri mewn sioe sydd wedi’i seilio ar eu straeon a’u hatgofion.
Manylion pellach y cynhyrchiad ar gael yma.
Hela
Cynhyrchiad The Other Room mewn cydweithrediad â Theatr Genedlaethol Cymru
Drama lwyfan gyntaf Mari Izzard, enillydd gwobr The Other Room i ddramodwyr, sef Gwobr Violet Burns oedd Hela, oedd yn cynnwys dulliau dyfeisgar ar gyfer rhoi mynediad iaith, a’r rheini wedi’u gwau i mewn i’r naratif.
Manylion pellach y cynhyrchiad ar gael yma.
