Ochr yn ochr â National Theatre Wales, rydym yn falch o gyhoeddi comisiynau ar gyfer tri phrosiect i artistiaid theatr o Gymru fel rhan o ail rownd ein Comisiynau Digidol Newydd. Yr artistiaid llwyddiannus yw: Er Cof, Jessie Brett, ac Anna Poole a Kelly Jones. Darllen mwy…
Rydym yn falch iawn o lansio partneriaeth newydd gyda BBC Cymru i ddatblygu profiadau theatrig i’n cynulleidfaoedd fwynhau ar blatfformau digidol yn ystod y cyfnod hwn. Darllen mwy…
Rydym yn falch iawn o weithio ar y cyd â’r tîm yn National Theatre Wales, ac mewn partneriaeth â BBC Cymru Wales a BBC Arts, wrth gyhoeddi galwad am gomisiynau newydd i greu theatr fyw ar blatfformau digidol yn ystod y cyfnod hwn o gyfyngiadau symud presennol. Darllen mwy…
Yn sgîl y sefyllfa bresennol o gylch COVID-19 (Coronafirws), ochr yn ochr â’n cyd-gynhyrchwyr a phartneriaid, Criw Brwd, Theatr Soar a The Other Room, mae’n ddrwg gennym gyhoeddi ein bod wedi penderfynu canslo taith genedlaethol Pryd Mae’r Haf? fis Ebrill a Mai. Darllen mwy…
Ochr yn ochr â’n cyd-gynhyrchwyr Theatr y Sherman, rydym wedi penderfynu canslo taith genedlaethol Tylwyth gan Daf James. Darllen mwy…
Darlleniadau o ddramâu Grŵp Dramodwyr Newydd Theatr Genedlaethol Cymru Darllen mwy…
Mae Theatr Genedlaethol Cymru yn falch o gyhoeddi cast llawn y cynhyrchiad Merched Caerdydd / Nos Sadwrn o Hyd sy’n teithio ledled Cymru rhwng 13 Mawrth ac 13 Ebrill. Llwyddodd Merched Caerdydd, sy’n waith newydd gan Catrin Dafydd, i ddenu cynulleidfaoedd mawr i’r darlleniadau yn Eisteddfod Genedlaethol Caerdydd 2018, ac mae Nos Sadwrn o Hyd yn drosiad Cymraeg gan Roger Williams o’i ddrama boblogaidd Saturday Night Forever. Dyma ddwy ddrama gyfoes wedi eu lleoli yn y brifddinas, gan ddau o’n hawduron mwyaf beiddgar. Darllen mwy…
Fel rhan o Theatr Gen Creu – menter Theatr Genedlaethol Cymru sy’n cefnogi datblygiad artistiaid theatr ac yn hybu talent – mae’r cwmni’n galw am geisiadau ar gyfer Awenau: Cynllun Hyfforddi a Mentora Cyfarwyddwyr Theatr. Mae hwn yn gyfle arbennig i gyfarwyddwyr theatr sydd ar ddechrau eu gyrfa, neu i artistiaid theatr sy’n awyddus i newid cyfeiriad a rhoi cynnig ar gyfarwyddo, i’w galluogi i ddatblygu eu crefft. Darllen mwy…
Yn dilyn llwyddiant ysgubol taith Nyrsys yn ddiweddar, mae’n bleser o’r mwyaf gan Theatr Genedlaethol Cymru gyhoeddi manylion pellach am daith Merched Caerdydd / Nos Sadwrn o Hyd, sef cynhyrchiad nesaf y cwmni. Darllen mwy…
Mae Theatr Genedlaethol Cymru yn falch iawn o’r cyfle eto eleni i gydweithio gydag Eisteddfod Genedlaethol Cymru i drefnu rhaglen o weithgareddau theatr yn y Pentref Drama. Ar gyfer Eisteddfod Genedlaethol Sir Conwy 2019, rydym yn galw am geisiadau i gyflwyno digwyddiadau amrywiol fel rhan o raglen y Pentref Drama, a hynny’n bennaf yn Theatr y Maes Darllen mwy…
Llongyfarchiadau i Ganolfan S4C Yr Egin ar agoriad swyddogol yr adeilad yr wythnos hon!
Diolch i’r holl ddisgyblion ysgol ddaeth draw i Ganolfan S4C Yr Egin ar gyfer gweithdai drama gyda’n Cyfarwyddwr Cyswllt Sarah Bickerton. Cafodd Sarah amser gwych yn arwain sesiynau actio i ddisgyblion blwyddyn 9 Ysgol Y Strade, Ysgol Bro Myrddin, Ysgol y Preseli, ac Ysgol Maes y Gwendraeth ar ddydd Mercher!
26/10/2018
Cyflwyno ein Grŵp Dramodwyr Newydd
Mae Theatr Genedlaethol Cymru yn dymuno penodi Cadeirydd newydd erbyn diwedd 2018 i arwain y cwmni drwy gyfnod cyffrous yn ei hanes. Darllen mwy…
Rydym yn falch iawn o gyhoeddi enwau’r dramodwyr hynny sydd wedi eu dewis i fod yn rhan o gynllun cenedlaethol newydd i ddatblygu crefft awduron llwyfan trwy gyfrwng y Gymraeg, sef Grŵp Dramodwyr Newydd Theatr Genedlaethol Cymru. Darllen mwy…
Diolch i bawb ddaeth i ymweld â ni yng Nghaffi’r Theatrau, yn Theatr y Maes, y Babell Lên, y Senedd neu o gwmpas y maes yn Eisteddfod Genedlaethol Caerdydd. Dyma flas o’n digwyddiadau yn ystod yr wythnos!
Unwaith eto eleni, bydd y Pentref Drama yn rhan ganolog o arlwy’r Eisteddfod Genedlaethol, gyda’r bartneriaeth rhwng yr Eisteddfod a Theatr Genedlaethol Cymru yn parhau i fynd o nerth i nerth. Darllen mwy…
Mae’n bleser gan Theatr Genedlaethol Cymru gyhoeddi eu bod wedi croesawu tri aelod newydd i Fwrdd Ymddiriedolwyr y cwmni’n ddiweddar. Penodwyd Catherine Rees, Gwyn Williams a Meilir Rhys Williams ym mis Chwefror eleni, ac fe ddaeth y tri i’w cyfarfod cyntaf swyddogol o’r Bwrdd ar y 9fed o Fehefin. Dewch i gwrdd â’n haelodau newydd . . . Darllen mwy…
Mae Theatr Genedlaethol Cymru yn falch o gyhoeddi rhaglen Theatr Gen Creu yn y Steddfod, menter newydd ar Faes yr Eisteddfod Genedlaethol eleni, ym Mae Caerdydd 4–11 Awst. Darllen mwy…
Yn 2018, bydd Celfyddydau Cenedlaethol Ieuenctid Cymru yn gweithio mewn partneriaeth â Theatr Clwyd a Theatr Genedlaethol Cymru i ddarparu preswyl dros 7 diwrnod a fydd yn cynnig cyfleoedd datblygu i berfformwyr ifanc sydd hefyd â diddordeb mewn llwybrau gyrfa eraill yn y maes. Darllen mwy…
Rydym yn estyn gwahoddiad cynnes iawn i chi ymuno â ni wrth i ni ymarfer ac agor ein sioe wanwyn, Estron, yn Theatr y Glowyr, Rhydaman, cyn iddi fynd ar daith ledled Cymru. Darllen mwy…
Am y tro cyntaf erioed mae gwers gyfoes gan y Ganolfan Dysgu Cymraeg Genedlaethol yn seiliedig ar gynhyrchiad gan Theatr Genedlaethol Cymru. Mae eu gwers gyfoes ddiweddaraf yn rhoi cyfle i ddysgwyr y Gymraeg gael blas ar gynhyrchiad Y Tad.
Mae’r Cwt Drama yn bartneriaeth rhwng Theatr Genedlaethol Cymru ac Eisteddfod Genedlaethol Cymru. Ers ei sefydlu yn 2014, mae’r Cwt wedi hen ennill ei blwyf fel y prif ofod i gyflwyno gwaith theatr proffesiynol mewn datblygiad, digwyddiadau cyfranogol, a chyflwyniadau theatraidd graddfa-fechan neu amrwd yn y Pentref Drama ar faes y Brifwyl. Darllen mwy…
Rydym wrth ein boddau bod Gwobrau Theatr Cymru wedi cydnabod blwyddyn arbennig o waith gan Theatr Genedlaethol Cymru, a bod cynifer o’n cynyrchiadau, actorion a’r tîm creadigol wedi cyrraedd rhestrau byr Gwobrau Theatr Cymru 2018. Cynhelir y seremoni wobrwyo yng Nghanolfan Glan yr Afon, Casnewydd ar 27 Ionawr. Darllen mwy…
Mae’n bleser gan Theatr Genedlaethol Cymru gyhoeddi ei rhaglen ar gyfer y tymor sydd i ddod, a chyflwyno menter newydd, sef Theatr Gen Creu.
A hithau’n flwyddyn pan fydd y Gwasanaeth Iechyd Gwladol yn 70 oed, trwy gydol 2018 bydd Theatr Genedlaethol Cymru yn archwilio’r thema Gofal a Chymuned, ac yn cyflwyno dau gynhyrchiad newydd ar daith ledled Cymru. Y cyntaf o’r rhain fydd Y Tad, sef trosiad newydd gan Geraint Løvgreen o’r ddrama Ffrangeg arobryn Le Père, sy’n mynd ar daith yn ystod Chwefror a Mawrth. Ym misoedd Tachwedd a Rhagfyr, bydd y cwmni’n mynd â Nyrsys ar daith, sef drama gair-am-air newydd a phwerus gan Bethan Marlow, sy’n cynnwys nifer o ganeuon gwreiddiol gan Rhys Taylor. Darllen mwy…
Mae’n bleser gan Theatr Genedlaethol Cymru gyhoeddi mai Dyfan Roberts fydd yn chwarae rhan Y Tad yn eu cynhyrchiad nesaf o’r un enw, a hynny yn ystod Chwefror a Mawrth 2018. Mae Dyfan yn actor profiadol tu hwnt ac yn enw cyfarwydd iawn i gynulleidfaoedd Cymraeg. Darllen mwy…
Ddydd Sadwrn 30 Medi 2017, cynhaliwyd cwrs undydd yn Nhŷ Newydd – sef Gweithdy Sgriptio Gair am Air – dan ofal y tiwtoriaid Manon Wyn Williams, awdur sgript Hollti, a Sarah Bickerton, Cyfarwyddwr Cyswllt Theatr Genedlaethol Cymru a chyfarwyddwr y cynhyrchiad. Darllen mwy…
Mae’n bleser gan Theatr Genedlaethol Cymru gyhoeddi mai Y Tad fydd cynhyrchiad nesaf y cwmni, a hynny yn ystod Chwefror a Mawrth 2018. Mae Y Tad yn drosiad newydd i’r Gymraeg gan Geraint Løvgreen o Le Père gan Florian Zeller, ac yn waith buddugol y gystadleuaeth Trosi Drama i’r Gymraeg, Eisteddfod Genedlaethol Cymru Sir Fynwy a’r Cyffiniau, 2016. Darllen mwy…
Y penwythnos yma bydd yr awdur Anni Llŷn yn cynnal gweithdy’n seiliedig ar ysgrifennu i blant yng Nghanolfan Ysgrifennu Tŷ Newydd, fel rhan o Ŵyl Hanes Cymru i blant. Mae’r ŵyl yn bartneriaeth rhwng nifer o sefydliadau: yr Urdd; Llyfrgell Genedlaethol Cymru; Llenyddiaeth Cymru; Theatr Genedlaethol Cymru a Cadw. Darllen mwy…
Gwahoddiad i drigolion Môn: dewch i weld cynhyrchiad diweddaraf Theatr Genedlaethol Cymru yn Galeri Caernarfon!
Bydd Estron, drama fuddugol Hefin Robinson yng nghystadleuaeth y Fedal Ddrama yn Eisteddfod Genedlaethol Y Fenni a’r Cyffiiau 2016, yn cael ei llwyfannu yn y Cwt Drama ar faes Eisteddfod Genedlaethol Ynys Môn eleni. Hon fydd prif ddrama’r wythnos yn y Pentref Drama, a chaiff ei chyflwyno gan Theatr Genedlaethol Cymru mewn partneriaeth ag Eisteddfod Genedlaethol Cymru. Darllen mwy…
Mae’r ffilm Macbeth gan Theatr Genedlaethol Cymru bellach ar gael i sefydliadau addysg a dysgwyr. Darllen mwy…
Yn ddiweddar, bu Theatr Genedlaethol Cymru yn cydweithio gydag Eisteddfod Genedlaethol Cymru i ddarparu gweithdai drama cyffrous i ddisgyblion ysgolion cynradd Môn. Darllen mwy…
Wrth i ni agosáu at Eisteddfod Genedlaethol Cymru, Ynys Môn 2017, pleser gan Theatr Genedlaethol Cymru yw cyhoeddi manylion pellach am ein cynhyrchiad nesaf, sef Hollti gan Manon Wyn Williams, a fydd yn agor yn ystod wythnos yr Eisteddfod. Darllen mwy…
Mae’r tîm fu’n gyfrifol am y gwaith rheoli llwyfan ar gynhyrchiad Theatr Genedlaethol Cymru o Macbeth yng Nghastell Caerffili ym mis Chwefror eleni wedi cyrraedd rhestr fer y Gwobrau Rheoli Llwyfan Cenedlaethol 2017. Cynhelir y noson wobrwyo yn Llundain ar 7 Mehefin. Darllen mwy…
Mae’n bleser gan Theatr Genedlaethol Cymru gyhoeddi ei rhaglen ar gyfer y tymor sydd i ddod. Darllen mwy…
Mae pleser gennym gyhoeddi ein bod wedi penodi Sarah Bickerton yn Gyfarwyddwr Cyswllt. Mae Sarah yn ymuno â ni ar gytundeb penodedig o ddwy flynedd yn ystod cyfnod cyffrous, a ninnau ar fin cyhoeddi cynlluniau ar gyfer gweddill y flwyddyn hon. Darllen mwy…
Mewn cydweithrediad ag Urdd Gobaith Cymru; Llyfrgell Genedlaethol Cymru; Llenyddiaeth Cymru; Theatr Genedlaethol Cymru a Cadw, rydym yn chwilio am 12 o awduron ifanc, rhwng 16 – 25 oed, i ymgymryd â’r her o ysgrifennu dramau byrion i blant ar gyfer eu llwyfannu fel rhan o Ŵyl Hanes Cymru i Blant 2018.
Darllen mwy…
Dydd Sadwrn 8 Ebrill 2017 bydd Theatr Genedlaethol Cymru, ar y cyd ag Oriel Myrddin, yn cymryd rhan yn Cer i Greu, penwythnos byrlymus sy’n dathlu creadigrwydd yng Nghymru. Fel rhan o’r penwythnos arbennig hwn bydd y cwmni’n cynnal ‘Soprano a Sialc’ – digwyddiad rhad ac am ddim ym Maes Nott, Caerfyrddin, sy’n rhoi cyfle i blant a phobl o bob oedran ymwneud ag opera, cerddoriaeth glasurol a chelf stryd. Darllen mwy…
Ddydd Gwener diwethaf (10 Mawrth 2017), roedd Castell Caerffili yn llwyfan ysblennydd unwaith eto – y tro hwn i sgwadiau ’sgwennu dawnus o Ysgol Gwynllyw, Ysgol Cwm Rhymni ac Ysgol Gartholwg. Darllen mwy…
Nos Fawrth 14 Chwefror, am y tro cyntaf erioed, fe wnaeth Theatr Genedlaethol Cymru dorri tir newydd drwy ddarlledu eu cynhyrchiad diweddaraf – Macbeth – yn fyw o leoliad ysblennydd Castell Caerffili i ganolfannau ledled Cymru. Darllen mwy…
Mae Powder House, cwmni Cymreig newydd, yn chwilio am berfformwyr-crewyr i gymryd rhan yn y gwaith o Ymchwilio a Datblygu eu prosiect cyntaf ‘Saethu Cwningod / Shooting Rabbits’, dros gyfnod o wythnos. Darllen mwy…
Dros y blynyddoedd mae Gwobr Richard Burton wedi rhoi cyfle i rai o berfformwyr blaenaf Cymru gael profiad o fod ar lwyfan. Erbyn hyn, mae’r gystadleuaeth ymhlith perfformiadau mwyaf poblogaidd yr Eisteddfod, a’r bwriad eleni yw rhoi hwb ac arweiniad i’r rheiny sy’n ystyried cystadlu am y wobr yn Eisteddfod Ynys Môn. Darllen mwy…
Mae Celfyddydau Rhyngwladol Cymru, sef cangen ryngwladol Cyngor Celfyddydau Cymru, wedi trefnu’r ddirprwyaeth ddiwylliannol ffurfiol gyntaf o Gymru i Tsieina fel rhan o Daith Fasnach Llywodraeth Cymru dan arweiniad Ken Skates AC, Ysgrifennydd y Cabinet ar faterion yr Economi a Seilwaith. Aeth y grŵp i Shanghai ddydd Sadwrn 18 Chwefror, a byddant yn teithio i Beijing a Hong Kong yn ystod yr wythnos. Nod y daith yw hyrwyddo gwaith, partneriaethau a chyfleoedd dysgu newydd, a chyfnewid arddangosfeydd a pherfformiadau rhwng y ddwy wlad. Darllen mwy…
I gyd-fynd â chynhyrchiad hynod Theatr Genedlaethol Cymru o Macbeth yng Nghastell Caerffili, trefnwyd rhaglen addysgol a chyfranogi amrywiol sydd wedi tynnu ynghyd nifer o sefydliadau allweddol i ddod â Macbeth i ystafelloedd dosbarth y genedl. Dyma peth gwybodaeth am y prosiectau a’r partneriaethau sydd ar waith: Darllen mwy…
ae Theatr Genedlaethol Cymru yn falch iawn o gyhoeddi bod pecyn i ddysgwyr ar gael, wedi’i seilio ar ein cynhyrchiad nesaf, Macbeth. Crëwyd y pecyn i ddysgwyr gan Nant Gwrtheyrn, mewn cydweithrediad â Theatr Genedlaethol Cymru gyda chymorth Y Ganolfan Dysgu Cymraeg Genedlaethol.
Mae’n bleser gan Theatr Genedlaethol Cymru gyhoeddi cast cynhyrchiad uchelgeisiol a chyffrous nesaf y cwmni, sef Macbeth. Bydd y cwmni’n cyflwyno’r ddrama, sy’n gyfieithiad newydd gan y diweddar Athro Gwyn Thomas, cyn Fardd Cenedlaethol Cymru, yng Nghastell Caerffili ym mis Chwefror 2017. Bydd y cynhyrchiad hefyd yn cael ei ddarlledu’n fyw i ganolfannau ledled Cymru, fel rhan o fenter newydd Theatr Gen Byw. Mae’r cynhyrchiad yn ddigwyddiad allweddol wrth i Cadw ddathlu Blwyddyn y Chwedlau yn 2017.
Mae’n bleser gan Theatr Genedlaethol Cymru, mewn partneriaeth â Cadw, a gyda chefnogaeth gan Chapter, gyhoeddi manylion pellach am gynhyrchiad uchelgeisiol a chyffrous o Macbeth. Darllen mwy…
Heddiw (dydd Iau 8 Medi 2016) bydd pedair aelod o gangenhau Merched y Wawr Aberystwyth a Llanafan yn serenu mewn golygfa gan Theatr Genedlaethol Cymru fydd yn rhan o gynhyrchiad diweddaraf y cwmni. Y ddrama yw Merch yr Eog, fydd yn agor yn Aberystwyth 5-7 Hydref 2016 cyn teithio Cymru, de Orllewin Lloegr a Llydaw. Darllen mwy…
Mae Theatr Genedlaethol Cymru yn falch heddiw o gyhoeddi cast Merch yr Eog / Merc’h an Eog, cynhyrchiad amlieithog fydd yn teithio Cymru, Lloegr a Llydaw yn nhymor yr Hydref 2016. Darllen mwy…
Mae’n bleser gan Theatr Genedlaethol Cymru gyhoeddi heddiw (27 Gorffennaf 2016) bod ei hymddiriedolwyr wedi penodi ei Chyfarwyddwr Artistig presennol, Arwel Gruffydd, i arwain y cwmni am y pum mlynedd nesaf. Darllen mwy…
Bydd Rhith Gân, drama fuddugol Wyn Mason yng nghystadleuaeth y Fedal Ddrama yn Eisteddfod Genedlaethol Maldwyn a’r Gororau 2015, yn cael ei llwyfannu yn y Cwt Drama ar faes Eisteddfod Genedlaethol Y Fenni a’r Cyffiniau eleni. Hon fydd prif ddrama’r wythnos yn y Pentref Drama, a chaiff ei chyflwyno gan Theatr Genedlaethol Cymru mewn partneriaeth ag Eisteddfod Genedlaethol Cymru. Darllen mwy…
Mae’r Eisteddfod Genedlaethol, Theatr Genedlaethol Cymru a Phartneriaeth Sinemaes yn falch o gyhoeddi amserlen y Pentref Drama yn Eisteddfod Genedlaethol Sir Fynwy a’r Cyffiniau eleni, sydd yn cynnwys Caffi’r Theatrau, y Cwt Drama, Sinemaes a Theatr y Maes.
Mae Theatr Genedlaethol Cymru yn falch o gyhoeddi taith Merch yr Eog, cynhyrchiad amlieithog fydd yn teithio yng Nghymru, Lloegr a Llydaw yn nhymor yr Hydref 2016. Mae Merch yr Eog yn gyd-gynhyrchiad rhwng Theatr Genedlaethol Cymru a Teatr Piba, Llydaw, mewn partneriaeth â Chanolfan y Celfyddydau Aberystwyth. Darllen mwy…
Mae’n bleser gan Theatr Genedlaethol Cymru gyhoeddi bod tocynnau ar gyfer taith Nansi nawr ar werth. Bydd y daith yn agor yn Neuadd Goffa Cricieth ar yr 8fed o Fehefin ac yna yn teithio i bum canolfan tan ddechrau Gorffennaf 2016.
Dros y dyddiau nesaf bydd modd gwrando ar recordiad o dair drama fer newydd, a berfformir am y tro cyntaf gan actorion proffesiynol. Darllen mwy…
Mae Theatr Genedlaethol Cymru yn falch o gyhoeddi taith Nansi, yn dilyn llwyddiant a phoblogrwydd y cynhyrchiad yn Eisteddfod Genedlaethol Maldwyn a’r Cyffiniau, 2015. Darllen mwy…
Mae’n bleser cyhoeddi, oherwydd galw eithriadol gan y cyhoedd, y bydd perfformiad ychwanegol o Chwalfa ar Nos Lun, 22 Chwefror am 7.30pm. Darllen mwy…
Llongyfarchiadau mawr i bawb a gafodd eu enwebu ar gyfer Gwobrau Theatr Cymru a gynhaliwyd yn Theatr y Sherman, Caerdydd nos Sadwrn y 30ain o Ionawr, Darllen mwy…
Ym mis Chwefror 2016, bydd Theatr Genedlaethol Cymru yn dod â nofel T Rowland Hughes yn fyw ar lwyfan Theatr Bryn Terfel gyda chast proffesiynol o ddeuddeg, a chast cymunedol o dros 60 o drigolion yr ardal. Darllen mwy…
Mae’n bleser gan Theatr Genedlaethol Cymru gyhoeddi cynhyrchiad newydd Mrs Reynolds a’r Cena Bach fydd yn teithio Cymru yn ystod Ebrill a Mai 2016 a hynny mewn partneriaeth â Chwmni’r Frân Wen a Galeri Caernarfon. Mae Mrs Reynolds a’r Cena Bach yn gyfieithiad newydd gan Meic Povey o ddrama gyfoes gan un o awduron theatr pennaf Cymru, Gary Owen, Mrs Reynolds and the Ruffian, a berfformiwyd gyntaf yn Watford Palace Theatre yn 2010. Ffion Haf Jones fydd yn cyfarwyddo’r cynhyrchiad. Darllen mwy…
Bore fory (28 Hydref 2015) am 10 y bore bydd tocynnau Chwalfa gan Theatr Genedlaethol Cymru mewn partneriaeth â Pontio a Chwmni’r Frân Wen, yn mynd ar werth i’r cyhoedd.
Mae Theatr Genedlaethol Cymru, mewn partneriaeth â Galeri Caernarfon, yn falch iawn o gyhoeddi y bydd cynhyrchiad Dawns Ysbrydion yn mynd ar daith o amgylch Cymru ym mis Tachwedd 2015, a hynny yn dilyn agor y cynhyrchiad yng Ngŵyl Ymylol Caeredin ddiwedd y mis hwn (Awst 2015).
Mae Theatr Genedlaethol Cymru, mewn partneriaeth â Pontio a Chwmni’r Frân Wen, yn falch iawn o gyhoeddi heddiw (28 Gorffennaf 2015) y bydd Chwalfa yn cael ei lwyfannu yn Theatr Bryn Terfel, Canolfan Celfyddydau ac Arloesi Pontio, Prifysgol Bangor, ym mis Chwefror 2016 fel rhan o raglen agoriadol Pontio.
Mae Theatr Genedlaethol Cymru ac Eisteddfod Genedlaethol Cymru yn falch o gyhoeddi amserlen y Pentref Drama yn Eisteddfod Genedlaethol Meifod eleni, sydd yn cynnwys Caffi’r Theatrau, y Cwt Drama a Theatr y Maes.
Mae Theatr Genedlaethol Cymru yn falch o gyhoeddi cast Nansi, prif gynhyrchiad y cwmni yn yr Eisteddfod Genedlaethol eleni, drama newydd gan Angharad Price sy’n codi’r llen, i sain y delyn, ar gymeriad hudolus Nansi Richards.
{150}, cynhyrchiad aml-blatfform wedi ei greu gan yr artist Marc Rees, yn cael ei lwyfannu yn Storfa’r Tŷ Opera Brenhinol yn Aberdâr, Mehefin-Gorffennaf 2015.
Mae’n bleser gennym groesawu Ffion McCarthy i Theatr Genedlaethol Cymru, fel Cynhyrchydd Gweithredol newydd y cwmni. Darllen mwy…
Mae Theatr Genedlaethol Cymru, mewn cydweithrediad â Galeri Caernarfon, yn falch o gyhoeddi cynhyrchiad newydd fydd yn cael ei lwyfannu yng Ngŵyl Ymylol Caeredin, cyn teithio Cymru yn hwyrach yn y flwyddyn.
Heddiw (30 Mawrth 2015) mae Theatr Genedlaethol Cymru yn falch o gyhoeddi cast cynhyrchiad nesaf y cwmni, sef Pan Oedd y Byd yn Fach, drama newydd gan Siân Summers, wedi ei chyfarwyddo gan Aled Pedrick. Darllen mwy…